Şair ədalətin bir hissəsidir

 Mənə ilham gəlir durduğum yerdə ,

O məni dağlara, daşlara salır.

Mən şeir yazıram, yüngülləşirəm,

Ürək əməlimdən çox razı qalır

. Şairə, şeirə dəyəri vardır,

Sənətə hörmətə bax bu Vətəndə.

Baxıb doğma Vətən Azərbaycana,

Bəzən cuşa gəlib yazıram mən də.

Şair əhvalından yaranır şeir,

Misralar gah sığal, gah da nizədir.

Bəzən tez-tez gəlib yorur şairi,

İlham deyilən şey bir möcüzədir.

Şair haqsızlığa biganə qalmaz,

Şair ədalətin bir hissəsidir.

Şairin ağzını bağlamaq olmaz,

Şair bu dünyanın gur haqq səsidir.

Ofelya Nəzərova

AJB -AYB və Qızıl Qələm Araz mukafatı şair jurnalist